Սկզբից սեքս, իսկ հետո արդեն ամուսնություն`այսպես է դրսում: Մեզ մոտ Հայաստանում իրավիճակը ճիշտ հակառակն է` սկզբից ամուսնություն, իսկ հետո արդեն սեքս: Ու ամենևին էլ կարևոր չէ, որ ձեր ընտրյալը չի բավարարում ձեզ անկողնում: Նման դեպքերում գործում է  <<հին հայկական>>` ավելի ճիշտ <<հայ նախամարդու>> գաղափարախոսությունը` ընկել ես` քաշի:

Այսօր Երևանում գործում են բազմաթիվ ամուսնական գրասենյակներ: Բանն այն է, որ մեր ծանոթության գրասենյակներ կարելի է այցելել բացառապես <<մաքուր նպատակներով>>: Նախ չէի հասկանում ինչ ասել է <<մաքուր նպատակ>> ու երբ հասկացա, ծիծաղից քիչ մնաց պայթեի: Պարզվում է, որ <<մաքուր նպատակ>> ասելով` պետք է հասկանալ ամուսնանալ և ընտանիք կազմել: Ստացվում է, որ սեռական կյանքի համար կողակից փնտրելը անպարկեշտ, անբարո և ստոր արարք է:

Եթե բանից անտեղյակ ես այս ամենից, կարող ես ենթադրել, որ չամուսնացած հայը սեքսով չի զբաղվում: Ծիծաղելի է, չէ՞, իսկ ահա թե ինչ պարզեցինք հետո, արդեն ծիծաղելի չէր: 20-ից 50 տարեկան տղամարդկանց հետ զրուցելուց հետո հասկանալի ու պարզ դարձավ, որ նրանք դիմում են գրասենյակներին հիմնականում սեքսուալ կողակից գտնելու: Կանանց մոտ ամեն ինչ ավելի բարդ էր ու խճճված:

Նրանցից շատերը ուղղակի հրաժարվում էին զրուցելուց և միայն այն բանից հետո, երբ իմանում էին, որ չենք հրապարակի անուններ և կապահովենք գաղտնիությունը, ինչ-որ զրույց ստացվում էր: Կանանց մոտ վիճակն այլ է: Կա մարմնական սիրո մեծ ցանկություն ու կարիք, սակայն իմանալով հայ տղամարդկանց մեծամասնության բնավորության արատավոր գծերից մեկը` նրանք զգուշանում են: <<Հերիք է մեկի հետ քնես և հաջորդ առավոտյան դռանդ դիմաց կշարվի հայ տղամարդկանց մի մեծ բանակ>>, -նշեց իմ զրուցակից կանանցից մեկը:

Ցավոք, դա այդպես է: Լուրերը շատ արագ են տարածվում, իսկ մարմնական սիրո ծարավ ունեցող հայ տղամարդիկ շաա^~տ են:www.blog.banadzev.com